Uslubning ta'rifi quyidagicha: obekt bir necha vazifani bajarish evaziga, boshqa obektlarga ehtiyoj qolmaydi. Insoniyatga bu uslub tabiat vositasida ilhom qilingan deyish mumkin. Chunki atrofga e'tibor bilan qarasangiz, tabiatdagi aksar mavjudotlar bir nechta vazifani bajarishadi. Masalan, daraxtlar havoni tozalash, meva yetishtirish, shamollarni to'sish, soya salqin qilish, kesilganda o'tin berish, duradgorlik mahsulotlari uchun yog'och taxta berish kabi vazifalarni bajaradi. Deylik, til - ta'm bilish chaynayotganda yegulikni bir jag'dan ikkinchi jag'ga uzatish, so'zlash , tupurish vazifalarini bajaradi.

Universallik yuqori darajadagi ixtirochilik uslubidir. Hayotimizda qo'llaydigan texnika buyumlarida ham universallik uslubi qo'llanilmoqda, masalan: mobil telefonlar esa telefon so'zlashuv, kamera, fotoapparat, diktofon, radio va boshqa ba'zi vazifalarni bajaradi. Bu esa inson mahsulidir. Yaqinda paydo bo'lgan skaner, printer va kseroks vazifasini bajaruvchi uchlik uskuna ham universalli uslubining mahsuli hisoblanadi.
Universallikning qo'llanish joylari xilma-xil. Masalan, gaz plitasi tugmasiga zajigalka tugmasi joylashtirilsa, buragan zahoti gaz alangalanadi. Gugurtga hojat qolmaydi. Chizg'ichning bir uchiga qo'zg'almas qilib igna va qo'zg'aluvchi g'ildirakli qalam uchi tutqichi o'rnatilsa, ayni vaqtda surkul vazifasini o'taydi.
Ruchkaning qopqog'ini antenna singari uzayadigan qilsak, ko'rsatkich tayoqcha sifatida ham ishlatish mumkin.

Atrofdagi predmetlarni kuzatib bosh qotirib ko'ring-chi, balki ushbu uslubni qo'llab olamshumul ixtirolar muallifiga aylanarsiz? Ijodingiz namunalaridan bizga ham jo'natsangiz saytimizga chop etamiz...

Texnika va sanoatda magnit ishlatiladigan sohalar bisyor. Hozir ham bu effektni qo'llab juda ko'p kashfiyotlar qilinmoqda. Misol uchun, bir yosh ixtirochi, changyutgichning so'rg'ichiga magnit tayoqchasini yopishtirib qo'yishni taklif qilgan. Natijada, supurish davomida prujina, skrepka kabi temir buym parchalari magnitga yopishib changyutgichning ichiga kirib ketishi oldi olingan.
Yana boshqa ixtirochi, shim cho'ntagiga kichik magnitni tikib qo'yishni tavsiya etadi. Buning evaziga cho'ntakka solib qo'yilgan kalit tushib ketishi oldi olinadi. Agar kalit magnitga yopishmaydigan metalldan qilingan bo'lsa-chi ?- degan savol tu'giladi. Kalitga temir halqacha ulasb qo'yish bu muammoni hal etadi.
Bolg'aning zarb qismi magnit bilan qoplansa mixni o'zi ushlab turishi mumkin. Shunda qo'lning shikastlanish ehtimoli yo'qoladi.

Misollarni ko'plab keltirish mumkin. Sizning fikrngizcha magnit effektidan yana qayerlarda foydalanish mumkin? Oddiy fikrlar kelajakda katta kashfiyotlarga olib kelishini unutmang.